გერმანიის სტანდარტიზაციის ინსტიტუტმა 2001 წლის 1 ნოემბერს გამოუშვა DIN სტანდარტი - EN 13 300. ეს სტანდარტი წარმოადგენს: ინტერიერის კედლისა და ჭერის საღებავების ხარისხობრივ კლასიფიკაციას. DIN სტანდარტი ანაწევრებს საღებავებს ეგრეთ წოდებულ - სველი მოხეხვის კლასებად.

საღებავის ფენის სისქის დანაკარგი, განსაზღვრავს სველი მოხეხვის კლასს და იზომება სტანდარტული გამოცდის მეთოდით: პირველ რიგში მზიდუნარიან ქაღალდზე ჰორიზონტალურად დაიტანება სტანდარტული სისქის ფენა საღებავი და შემდეგ იჭიმება გამომცდელ სადგურში. შემდეგ იწყება მოხეხვის ციკლი: გადაჭიმულ ქაღალდზე წინ და უკან გადაადგილდება მხეხავი ფირფიტა. სველი მოხეხვის კლასები 1,2,3 გამოცდისას გადიან 200 ციკლს, ხოლო კლასები 4 და 5 - 40 ციკლს. დასრულებისას, გამოცდის პროცესში მოხეხილი/გადამძვრალი საღებავი იწონება და ასე დგინდება სველი მოხეხვის კლასი.

• სველი მოხეხვის კლასი 1-ის საღებავს, მოხეხვის 200 ციკლის შემდეგ, ფენის სისქის დანაკარგი 5 მიკრომეტრზე ნაკლები აქვს. ამიტომ  სველი მოხეხვის კლასი 1 -ის ინტერიერის საღებავებს საუკეთესო მედეგობა გააჩნიათ.

• სველი მოხეხვის მე -2 კლასის საღებავებს -  მოხეხვის 200 ციკლის შემდეგ, ფენის სისქეს დანაკარგი 5-დან 20 მიკრომეტრამდე აქვთ. ეს ნიშნავს იმას, რომ სველი მოხეხვის მე- 2 კლასის საღებავები საშუალოზე მაღალი მედეგობით გამოირჩევიან.

• საღებავი რომელსაც სველი მოხეხვის კლასი 3 აქვს, მოხეხვის 200 ციკლის შემდეგ, 20-დან 70 მიკრომეტრამდე - ფენის სისქის დანაკარგს გვაჩვენებს.

• სველი მოხეხვის კლასი 4-ის საღებავები - მოხეხვის 40  ციკლის შემდეგ, ფენის სისქის დანაკარგს 70 მიკრომეტრზე ნაკლებს გვიჩვენებენ. ამიტომ ისინი შიდა გავლენების მიმართ მგრძნობიარედ ითვლებიან.

• თუ მოხეხვის 40 ციკლის შემდეგ, საღებავის ფენის სისქის დანაკარგი - 70 მიკრომეტრზე მეტია, ესეიგი ეს სველი მოხეხვის მე-5 კლასის საღებავია, რაც იმას ნიშნავს, რომ მისი სველი მოხეხვისადმი მედეგობა დაბალია.

როდესაც კედლების შეღებვას გადაწყვიტავთ, ჩნდება შეკითხვა: თუ რომელი სველი მოხეხვის კლასის საღებავი უნდა გამოიყენოთ? ამაზე თავად შესაღები სივრცეები გვპასუხობენ: მაგალითად - ისეთ სივრცეებში სადაც ზედაპირები მაღალ დატვირთვებს ექვემდებარებიან, უმჯობესია სველი მოხეხვის კლასი 1-ის ან კლასი 2-ის საღებავები გამოვიყენოთ. ასევე: მაღალი დატვირთვების ქვეშ მყოფი ზედაპირებისთვის ყველაზე შესაფერისი - დისპერსიული და ლატექსური საღებავებია, რადგან ისინი კარგად უძლებენ მექანიკურ დატვირთვებს და ხშირად წყალგაუმტარნი არიან. სველი მოხეხვის კლასი 1 -ის და კლასი 2-ის მქონე ინტერიერის საღებავები, მოხეხვისადმი განსაკუთრებული მედეგობით გამოირჩევიან.

ისეთ სივრცეებში სადაც ზედაპირები ძლიერ დატვირთვებს არ ექვემდებარებიან, სრულიად საკმარისია სველი მოხეხვის კლასი 3-ის საღებავები. ასეთი ზედაპირის ნეიტრალური სარეცხი საშუალებით გაწმენდა - საღებავის ფენის დაკარგვის გარეშე - უპრობლემოდ არის შესაძლებელი. სველი მოხეხვის კლასი 4-ის და კლასი 5-ის მქონე საღებავების გამოყენება, რეკომენდირებულია ისეთ სივრცეებში, რომლებსაც ნაკლებად იყენებთ და ზედაპირები საერთოდ არ ექვემდებარებიან მექანიკურ დატვირთვებს.

როდესაც საქმე ეხება ბავშვებისთვის განკუთვნილ სივრცეებს - არჩევანი აუცილებლად სველი მოხეხვის კლასების 1-ის და 2-ის მქონე საღებავებზე უნდა შეაჩეროთ. ასეთ სივრცეებში კედლები ძალიან ძლიერ მექანიკურ დატვირთვებს ექვემდებარებიან. ამიტომ სველი მოხეხვის კლასი 1 და 2-ის საღებავების გამოყენებისას, ზედაპირების თავდაპირველი იერსახის შენარჩუნება - ხანგრძლივი პერიოდით გარანტირებულია!