სასტუმროს "საკვანძო ადგილმდებარეობა" - სასტუმროს მიმღები, მომავალში თავის თავზე სხვა დავალებებსაც აიღებს. უკვე დღეს მიმღებში რეგისტრაცია აღარ არის სავალდებულო - ინტერნეტის საშუალებით უკვე შესაძლებელია, შეუფერხებლად იქონიოთ პირდაპირი წვდომა სასტუმროს ოთახზე, ისე რომ მიმღებში რეგისტრაციასთან დაკავშირებული სტრესი თავიდან აიცილოთ. ეს განვითარება გაგრძელდება მომავალშიც და ტექნოლოგიებზე ორიენტირებული სამიზნე ჯგუფების მიერ სწრაფად იქნება ათვისებული. მარტივად რომ ვთქვათ: სერვისი ვითარდება და სტანდარტული მომსახურებიდან - პერსონალურად მორგებულ მომსახურებად გარდაიქმნება. სასტუმროს მიმღების დიზაინი უნდა ითვალისწინებდეს ამ ტენდენციას და თავისი იერსახით ქმნიდეს ღია და ნათელ გარემოს.

სასტუმროს სერვისების სხვადასხვა სივრცეებს, ძირითადათ ერთი რამ აერთიანებთ: ისინი ინტენსიურად არიან დატვირთული, სტუმრებითა და მომსახურე პერსონალით. კედლების ზედაპირებისთვის, ეს მაღალ დატვირთვას ნიშნავს. ამ გამოცდილების და სასტუმროს სპეციფიკური საჭიროებების გათვალისწინებით, Caparol– მა შეიმუშავა მთელი რიგი საღებავებისა:ინტენსიური, მდგრადი, ადვილად წმენდადი და კარგი ვიზუალური ხარისხის მქონე საღებავები. ამ თვისებების წყალობით, ინტერიერის განახლების ინტერვალები საგრძნობლად იზრდება, რაც დადებით გავლენას ახდენს საექსპლატაციო ხარჯებზე და სტუმრის ხედვაზე - თუ როგორ აღიქვამს იგი სასტუმროს.

მუშაობა დღესდღეობით აღარ ნიშნავს ერთ სამუშაო სივრცეზე მიჯაჭვულობას - მაგრამ მაინც საჭიროებს სივრცის წარმოჩენას! მუშაობა აღარ არის აუცილებელი სამუშაო მაგიდასთან და განსაზღვრული დროში. თანამედროვე IT- ის წყალობით მუშაობა თითქმის ყველგან შესაძლებელი გახდა - აგრეთვე სასტუმროში. ამიტომ იზრდება მოთხოვნილება ადეკვატურ სამუშაო სივრცეებზე, რომლებიც მარტივად გამოყენებადი და პერსონალურ სურვილებზე მორგებული იქნება. რადგან მუშაობა და დასვენება სულ უფრო და უფრო მეტად ერწყმის ერთმანეთს -  სწორედ სასტუმროს სამუშაო სივრცეებში, სტუმრები ელიან არატრადიციულ ავეჯსა და ოთახის კონცეფციებს!

განსაკუთრებით ღია სივრცეებში, რომლებიც განკუთვნილია მუშაობისთვის, ოთახის აკუსტიკა მთავარ როლს ასრულებს. გასაუბრებები, დისკუსიები და კონცენტრაცია საჭიროებს მოკლე რევერბერაციის დროს და დაბალ ხმის ანარეკლს. აკუსტიკური ოპტიმიზაციის სფეროში Caparol-ი წარმოდგენილია სხვადასხვა პროდუქტის სისტემებით - მათ შორის აკუსტიკური ელემენტებით, რომელთა მონტაჟი კედლებსა და ჭერზე მარტივად შესაძლებელია. ეს ელემენტები აუმჯობესებს ოთახის ხარისხს, როგორც მთლიანობაში ასევე სელექციურად გაანახლებს სპეციალურ ზონებს. აკუსტიკური ელემენტების ინდივიდუალიზაცია შესაძლებელია ფერებით ან ფოტორეალისტური ანაბეჭდით, რომელიც ჰარმონიულად ერწყმის ინტერიერს.

დღის დასაწყისიდან - საღამოს დასრულებამდე, ლობი სივრცეა მრავალი საქმიანობისთვის! მრავალფუნქციური და მოქნილი - ასე გამოიყურება ხვალინდელი დღის ლობი და ის გაცილებით მეტია, ვიდრე მხოლოდ სივრცე ყოველდღიური საუზმის ბუფეტისთვის ან საღამოს ბარში განტვირთვისთვის. დიზაინით ადაპტირებული ლობი ღიაა სხვადასხვა ღონისძიებებისთვის. როგორც საღამოს მშვიდი კითხვისთვის, ასევე კორპორატიული ან კერძო წვეულებისთვის. ტრადიციული მოსასვენებელი ოთახი მოძველებულია, ცხოვრებისეული და მნიშვნელოვანი მოვლენები ისევ საჯაროდ აღინიშნება.  ასევე გასტრონომიური კონცეფციები , რომლებიც აქ ადგილს იკავებენ, უფრო მოქნილი, უფრო მრავალფეროვანი და თავიდანვე მოკლე ვადებზე გათვლილია.
 

სასტუმროს ლობის მრავალჯერად გამოსაყენებელ ფართობად გადაქცევა, ცვლის მოთხოვნებს ოთახის კონცეფციებზე, აღჭურვილობასა და მასალებზე. სწრაფი ცვლა გამოყენების რეჟიმებს შორის განსაკუთრებით მყარ მასალებს საჭიროებს. ეს ითვალისწინებს იატაკებს, რომლისთვისაც კაპაროლის შვილობილი კომპანია Disbon-ი, 1954 წლიდან მრავალ გადაწყვეტილებებს გვთავაზობს: დატვირთვის მიმართ მედეგ, მარტივად წმენდად იატაკის დანაფარებს და მრავალფეროვანი დიზაინის ასორტიმეტს.

სასტუმრო გასნსაკუთრებული სერვისების მომწოდებელია - საცალო გაყიდვა კი ის სერვისია, რომელიც შემოსავლების წყარო და ამავდროულად გამოცდილების ფაქტორია. აქ საუბარია არა სუვენირებზე და ყოველდღიური საჭიროების ნივთებზე, არამედ მაღალი ხარისხის და უნიკალურობის მქონე , მდიდრულ ნიშა პროდუქტებზეა. სასტუმროს მაღაზიები გვთავაზობენ კონცეპტუალურ, თანამედროვე პროდუქტებს და უპირველეს ყოვლისა შერჩეულ პროდუქტებს, რომლებიც სხვაგან მხოლოდ ინსაიდერებს აქვთ გათვალისწინებული.